منتدى الايمو
بسم الله الرحمن الرحيم
نرحب بكم في منتدى الايمو
للبنات فقط
نتمنى منك قضاء وقت ممتع

الحلقة الاسبوعية من كلام من القلب لصحة الاطفال ....متجدد

استعرض الموضوع السابق استعرض الموضوع التالي اذهب الى الأسفل

الحلقة الاسبوعية من كلام من القلب لصحة الاطفال ....متجدد

مُساهمة  Admin في الأحد أغسطس 08, 2010 6:51 pm

السلام عليكم

انا كنت عملت موضوع قبل كده بسال فيه عن اى فتوكة تقدر تتابع البرنامج
عموما اللينك اهو :
http://mazika.webservices.tv/ وكمان فى جروب على الفيس بوك للبرنامج نزل فيه جداول الاوزان للاطفال والحلقة الجاية من البرنامج هيشرحها الدكتور
والنهاردة ان شاء الله هكتبلكم الحلقة الجديدة :

طفل عمره 11 شهر وزنه 8 ك ونص ووزن الولادة كان 3 ك ونص تقريبا
بيرفض الاكل تماما مهما عملت الام ومهما نوعت من الاصناف
بيرضع من ثدى واحد وكمية اللبن قليلة

كل 3 ساعات تبدا معاه ياكل ويرضع
يعنى نبدا بالاكل الاول ثم الرضاعة عشان وهو جعان قوى يقبل الاكل
تحاول تنوعله فى الاكل وتصبر عليه وتبدابمعلقة وتانى يوم معلقتين وهكذا لغاية ما يتقبل فكرة الاكل نفسها .

==================================
جنا :
بنت عمرها سنة و11 شهر :
طولها 75 سم ووزنها 11 كيلو
اتفطمت فى عمر سنة اول ما اتفطمت كانت بتاكل كويس قوى لكن دلوقتى مش بتاكل لكن بتشرب سوايل ولبن كتير واعشاب
بتتبرز مرة واحدة فى اليوم

طولها اقل من الطبيعى لان المفروض الرينج الطبيعى للطول فى عمر سنتين من 80 سم الى 91 سم .اما الوزن يكون من 10 كيلو ل14 كيلو
فالوزن عندها مش مشكلة

اما بخصوص السوايل :
اللبن اللى بيشربه الطفل بعد عمر سنة ايا كان نوعه بقرى او جموسى مفروض مايزدش عن 750 سم فى اليوم يعنى حوالى 3 كوبايات كبيرة وده عشان الاملاح اللى فيه ومكوناته نفسها اللى بتاثر على العظم

المشكلة دلوقتى فى الطول ...تقيسها تانى ولو فعلا طولها اقل من المعدل الطبيعى يعنى اقل من 80 تروح تعمل تحليل هرمونات النمو فى عيادات غدد صماء للاطفال فى ابو الريش او عين شمس .

=========================================

ام ياسمين :
5 شهور ونص وزنها من شهر كانت 6 كيلو و600تقريبا
مشكلتها انها من الشهر التالت مش راضية تنام خالص على ضهرها طول ماهى صاحية عايزة تفضل قاعدة وانا ابقى سنداها على رجلى
غير كده تعيط وماتسكتش غير لما اقعدها وفى ناس قالتلى ان كده غلط جدا على ضهرها
كمان بتاعنى من عرق شديد قوى حتى فى الشتا بتعرق جامد ففى ناس قالت ده ممكن يكون نقص كالسيوم

الوزن حلو جدا بالنسبة لعمرها
اما القعاد :
ده شىء طبيعى فى النمو الذهنى للاطفال من عمر شهرين ل 3
انهم وهما قاعدين بيتابعو حركة الام وكل الحركة اللى حواليهم فطبيعى انها تضايق لما تنيميها على ضهرها لانها بتسمع حركتك وتبقى عايزة تتابعك

فالطبيعى هو اللى انتى بتعمليه انها تقعد بزاوية 30 او 45 درجة وانتى سنداها فى عربية او كرسى فى اىمكان انتى فيه وفى المطبخ حطيه على باب المطبخ .
لكن الاهل بتفهم غلط فى الحالة دى تفتكران الطفل بيعيط عشان عايز يتشال غلط لكن هو بيبقى عايز يتابع بس .
اما التمرين على القعاد من زاوية 60 ل 90 درجة بيبقى من سن 6 شهور

اما بخصوص العرق : طالما البراز طبيعى كل يوم مرة مافيش مشكلة
طالما الطفل بيزيد فى الوزن كويس وماعندوش مشكلة فى الجهاز الهضمى زىالامساك مثل او اى مرض يسبب العرق الزيادةده واللى بياثر برضه فى الوزن
مشكلة الاهالى هو اللبس الكتير للطفل
لكن المفروض هو التهوية الجيدة فى درجة حرارة الغرفة المعقولة مع عدم تعرض الطفل لتيارات الهوا ولكن مع فتح الشبابيك والابواب وتلبيس الطفل كمية ملابس معقولة .
===================================

ام احمد :
ولد عمره 6 شهور ووزنه 7 كيلو وزنه وقت الولادة كان 2 كيلو و800 جرام
دلوقتى شكل جسمه قليل قوى وبيجيله امساك على طول
الدكتور قال للام ابتدى اكلى الطفل وفعلا بدا فى الشهر الرابع بالبسكوت باللبن الصبح وبليل معلقتين زبادى لكن هو بيرفض الاكل تماما وبيرفض حتى يفتح بقه وحتى لو كل بيبقى عايز يرجعه
ومابيكملش غير معلقتين تلاتة ومابتوصلش لوجبة كاملة

كمان هو طول ما هو صاحى بيكح بقاله اسبوع تقريبا وعنده رشح خفيف ومافيش حرارة والدكتور رفض يديله اى علاج لانه قال ان مافيش اى حاجة فى صدره

المفروض فى عمر ال6 شهور يبقىوزنه من 6ونص ل9 كيلو فهو فى اول المعدل الطبيعى
كميات الاكل قليلة فهو مفروض يكون مع وزن الولادة يوصل ل7 ونص او 8 كيلو
هو رافض الاكل ولكن بيرضع ومابيشبعش لكن مصمم على الرضاعة بس
اكتر حاجة تكبر الطفل هى وجبة الحبوب طعمها حلو ومغذية اى نوع : فواكه موز عسل بلح وشعير اى نوع لاى شركة ماعدا الشيكولاتة بعد 9 شهور
ممكن البطاطا اوالخضار مضروب فى الخلاط مع صدر فرخة
بعد 6 شهور فى الجبنة النستو وصفار البيض

قواعد الفطام وبدايةادخال الطعام للطفل فى الوجبات :
-معلقتين او 3 ثم الرضاعة
-تكون الوجبة او الطعام الجديد ده بالنهار لان ممكن فى بعض الاطفال عندها حساسية من بعض الاكل فيسببلهم انتفاخ او تعب ويقعدطول الليل يعيط لو اكل بليل فالافضل ياخد الوجبة الظهر
-ثانى يوم فى نفس الوقت الظهر ياخد 4 او 5 معالق وبعدها رضاعة
-على اليوم الخامس او السادس نوصل لكمية وجبة كاملة بدل الرضاعة

-مشكلة الاطفال فى الوقت ده انهم تحول اهتماهم للحركة واللعب عن الاكل فالام تحاول قدر استطاعتها انها تشغله بالاكل

اما الكحة والرشح :
مفروض ياخد مزيب للبلغم وحاجة للرشح وطالما مافيش سخونة يبقى مافيش التهاب فمش محتاج اى دوا زيادة عن كده

==================================

المعدل الطبيعى لزيادة وزن الاطفال :
من 800جرام ل1 كيلو زيادة فى الشهر


فهــــــــــــــــــرس الموضـــــــــــــــــــــــــوع



حلقه 1


جدول الطول والاوزان


جدول التطعيمات


مساهمه قيمه من ندى المصريه

فيديو خطير من ندى المصريه للدكتور محمد الزياتى




رجاء خاص جدااااااا


اللى عندها موبايل وتقدر تعمل زى ممكن تسجل الحلقه على الموبايل صوت بس وتحطه على الكمبيوتر وتضعطه
وتبعتهولى على الميل بتاعى وانا اكتبهولكو هنا
هاااااااااااااا حد يقدر يعمل كده؟ على مانا بس اشوف هقدر اتابعه ولا لا


وجزاكن الله خيرااااا

Admin
Admin

عدد المساهمات: 104
تاريخ التسجيل: 05/08/2010
العمر: 18
الموقع: http://mazika.webservices.tv/

معاينة صفحة البيانات الشخصي للعضو http://mazika.webservices.tv

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى